| |
PONTE A ANDAR
O ciclo de andainas Ponte a Andar está desenrolado conxuntamente pola Cofradía da Dorna e o Concello de Riveira, programando distintas rutas cunhas características determinadas:
- Terán lugar o domingo pola mañá, con horario de saida ás 10:00 h. e chegada aproximada as 12:00 h.
- A inscripción é libre e gratuita, non fai falla anotarse en ningún sitio, ainda que se agradece que notifique a asistencia pois dende a organización temos que facer certas previsións.
- As distancias estarán entre os 10 e os 12 km. en función das particularidades do terreno polo que discurra a ruta.
- Están dirixidas a tódolos públicos e non se precisa dunha forma física excepcional, pero sí unha boa disposición a camiñar (o ritmo de camiñata será de 4-5 km./h).
Os únicos requisitos que se piden é:
- Puntualidade na hora da saida, e no lugar que se indica en cada ruta.
- Roupa e calzado cómodo e apto para o tipo de actividade que se vai levar a cabo.
- Algo de beber para o camiño, ou un recipiente no que poder portar líquido.
- E, por suposto, atende-las intruccións dos monitores en cada ruta.
A ter en conta que:
- Os nenos e menores de 16 anos deben ir acompañados dos pais ou tutores que se facerán responsables deles e lle notificarán ós monitores quén é o adulto que os tutela.
- Non se permiten animais de compañía.
Rutas programadas e vindeiras datas:
- Domingo 29 de xaneiro , 10.00 h.: Fervenza da Madalena: Campo de futbol de Caamaño (na carretera de Ribeira-Noia, ó pasar Xuño -logo da ponte- hai un indicador a man dereita que tamén indica Casa da Cultura) - Monte do Castro - Monte Esperoi - Monte Grallade - Xufres - Fervenza da Madalena - Capela de San Pedro de Ribasieira (e regreso ó punto de partida). A saída terá lugar dende o Campo de futbol de Caamaño (Porto do Son) a ruta discurre toda por pistas de terra cun perfil asumible na súa maioría, ainda que nos atopamos con algunha rampa pronunciada pero curta e ben transitable, polo que se califica coma de "dificultade media ".
Ver Andaina: Fervenza da Madalena en un mapa más grande
- Domingo 26 de febreiro , 10.00 h.: Calzada Romana de Vitres - Saida dos Chans das Cañizadas (na pista de asfalto da Curota, donde remata o asfalto)- alto da Portela - castelo de Vitres - Mosquete - monte de Piñeiro - alto da Portela - chans das Cañizadas. Ruta moi asumible no seu primeiro tramo (4 km.) ata chegar á calzada romana de Vitres, no que nos atopamos con algunha dificultade técnica na baixada, e a subida polo monte de Piñeiro dende Mosquete require unha condición física axeitada para facer frente a 2 km. largos de subida, ainda que a dificultade técnica é baixa nestre trato conven ir prevenido sabendo o que nos imos atopar; por isto calificámola coma de "dificultade media".
Ver Andaina: Calzada Romana de Vitres en un mapa más grande
- Domingo 25 de marzo , 10.00 h.: Subida a Forcados - Saida do miradoiro de Valle Inclán - San Amedio - Os Forcados - Alto da Curota - miradoiro de Valle Inclán: a subida a Forcados pola cara norte é un dos sendeiros máis duros (ou quizais o que mais) que nos podemos atopar na serra do Barbanza, tanto técnicamente -xa que temos moita pedra solta- coma físicamente, pois ten unha inclinación moi elevada. Compénsase a dificultade cas vistas, e ca sensación de superar un desafio ó alcance de moi poucos. O resto da andaina é moi asumible pois as forzas hai que gastalas na "parede" de pouco máis dun kilómetro de longo que nos vai levar ó alto dos forcados. Recomendamos levar bastóns e insistimos máis ca nunca nun calzado apropiado. Sobra dicir que esta andaina está calificada coma de "dificultade ALTA".
Ver Andaina: Subida a Forcados en un mapa más grande
Podes atopar fotos das andainas xa realizadas na nosa galería de Picasa. E videos na nosa canle de Youtube.
Para ampliar información podes contactar no noso correo-e, ou no teléfono da oficiña municipal de deportes de Riveira: 981835650 |
|
